“Sūpluok Latgolai” – tys ir jauns desmit raidiejumu cykls par Latgolys reģiona cylvākim, par aktualū i nūteikūšū taišņi ite i tagad, kū veiduos SIA “Latgales reģionālā televīzija”. Desmit raidiejumu laikā tiks skateitys piļneigi sovā storpā nasaisteitys i atšķireigys temys suokūt ar arhiteturu i viesturi leidz pat lauksaimnīceibai, muzykai i jaunuokuom inovacejom.

Golvonuo raidiejuma ideja ir byut “sūpluok” jeb blokus/tyvuok gon raidiejuma vorūņim, gon skateituojim. Ikreiz izvieļeitī temati tiks ruodāti nu divim skotupunktim, pīmāram, pyrmajā raidiejumā atkluosim kai ar Preiļu piļs atjaunuošonu i vēsturis nūslāpumu izzynuošonu veicas pošvaļdeibai i, cik daudzi dorba i pyuļu Ārendoles muižys atdzimšonā Vuorkovys nūvodā īguļdiejuse Turlaju ģimene. Raidiejuma volūda ir latgalīšu, tai saglobojūt i popularizejūt tū na tikai Latgolā, bet ari vysā Latvejā.

Sastīs raidejuma cikla “Sūpluok Latgolai” sižeta tēma ir lauksaimnīceiba, kur apcīmoj Kuorsovys nūvoda zemnīku saimnīceibu “Lūsēni” un “Margrietiņas”, kai arī uzzina kai ir šūgod pi myusu pec leluom ļītovom paguojušajā godā.

Īprīkšejūs īrokstus var redzāt kanalā RE:TV i TV24. Dīnu vāluok raidiejums byus atrūdams ari inteneta vītnē www.youtube.com, kai ari Latgolys reģionaluos televizejis sātys lopā www.lrtv.lv i www.facebook.com kontā.

Raidiejumi tūp konkursa “Par raidījumu veidošanu latviešu valodā 2018. gadā Latgales reģionālajos un vietējos plašsaziņas līdzekļos, kas raida televīzijas programmas” gaitā i tūs finansej Nacionaluo elektroniskūs plašsazinis leidzekļu padūme.