Ontons Slišāns
VEĻTIEJUMS KUORSOVAI

Kuorsova, Kuorsova, Kuorsoveņa,
Skaistuokuo zeltiņe Latgolai;
Nu golvys skusteņi nūsiejuse,
Motus viejā palaidynoj.

Kuorsova, Kuorsova, Kuorsoveņa,
Zalta zivteņa Yudrojā / Reitupī /;
Sagiuta teiklūs tenejīm ļaudim,
Vysus jūs lyugumus izpylda.

Kuorsova, Kuorsova, Kuorsoveņa,
Sauleite bazneicu krystūs;
Plaucej purinu kryumus i duorzus
Straujis i Šņitkys krostūs.

Kuorsova, Kuorsova, Kuorsoveņa,
Sorkonuo pūra dzērvineite;
Īkrituse skaļiņī boltā –
Buoriņu osorys kolta.

Kuorsova, Kuorsova, Kuorsoveņa,
Sudobra gobols nu Naudyskolna;
Atrosts diveju ceļu storpā
Teņuok sauc pasauļi tierguot.

Kuorsova, Kuorsova, Kuorsoveņa,
Meiluokuo zeļtiņe Latgolai;
Brīn rosu soltūs dyumoku reitūs
Dzīdūt meiluokū tautysdzīsmi.

Foto no  Nikolaja Mortukāna arhīva